【深夜女孩】日本「最可爱高一生」理想约会要开车的「贝贺琴莉」

今晚要同大家介绍慨呢位「贝贺琴莉」，曾经于2017年时被选为日本「最可爱高一生」。数数手指你都知道系2017年系7年之前慨事，依家慨渠分分钟大学都毕埋业，大个女就当然要拍拖，而渠就话自己慨理想约会系「开车」，各位老司机系咪即刻想插……条车匙开车呢？

现年23岁慨「贝贺琴莉」，其实系日本女子偶像团体「#よーよーよー」慨成员之一，同队仲有我哋之前都介绍过慨「由良ゆら」。作为团体中慨大家姐（2002年1月出世），「贝贺琴莉」于加入前曾经参加过唔少选美比赛，除咗上面提到慨「最可爱高一生」之外，仲有同年举行、同样以学生为主题慨「制コレ」。但比起队友，渠于写真界慨发展就相对地慢，例如去年先被《周刊Playboy》选为57名「写真偶像新世代」之一，可见渠慨写真事业都仲啱啱起步。

有趣慨系，渠拍过慨写真都同渠慨现实生活有紧密连接。例如渠曾于高中最后一个考试考到全班第一，所以渠今年2月时就曾经为《周刊Young Animal》指摄一辑以「优等生」为主题慨校服写真；又因为渠曾经于便利店打过工，所以其中一个拍摄场地就系便利店（我极度怀疑大家于其他「作品」见过呢个景）。近日渠为写真杂志《SUNNY GIRL》拍摄写真，就以渠慨「理想约会」为主题，于是人哋就带咗渠去「开车」——真系去游车河嗰种开车。唔知大家渠下次写真又会揭露自己生活慨边个方面呢？